२८ मंसिर, काठमाडौं ।हिमालय अर्गनाइजेशन अन्तर्गतको हिमालय मोटोराड कम्पनीले भारतमा निर्मित इलेक्ट्रिक अटो नेपालमा भित्र्याएको छ । केरेला अटोमोवाइल्स लिमिटेडले बनाएको यो अटो एक पटकको फूलचार्जबाट १३० कि.मि. गुड्ने कम्पनीले जनाएको छ । 

डिजेल पेट्रोलबाट चल्ने सवारीको तुलनामा ईलेक्ट्रिक सवारी केही महँगो हुने गरेपनि सञ्चालन खर्च भने सस्तो पर्न जाने कम्पनीको दाबी छ । हिमालय मोटोराडले भारतको केराला राज्य सरकारको स्वामित्वमा रहेको केरला अटोमोवाईलले उत्पादन गरेको अटो नेपालमा आजदेखि विक्री सुरु गरेको हो ।

यस ईलेक्ट्रिक अटोको संचालन खर्च ७५ पैसा प्रति किलोमिटर मात्र रहेको, ब्याट्रीमा ३ वर्ष वा १५०० लाईफ साईकलको वारेन्टी रहेको र ३ घण्टा ५५ मिनेटमै फुल चार्ज हुने हिमालय मोटराडका अध्यक्ष ध्रुब थापाले जानकारी दिए ।-बिजपाटी बाट साभार