चीनिया कम्पनीको लापरवाहीका कारण गाईहरु माथि अलकत्रा

काठमाडौमा वेवारीसे छोडिएका गाई गोरु माथि समयसमयमा यस्ता घटना भैरहेको छन् भने अर्को तर्फ छाडा चौपाएका कारण दुर्घटना समेत हुने गरेका छन्

चीनिया कम्पनीको लापरवाहीका कारण गाईहरु माथि अलकत्रा  
चीनिया कम्पनीको लापरवाहीका कारण गाईहरु माथि अलकत्रा

काठमाडौं । साङघाइ निर्माण ग्रुपले चक्रपथ निर्माणका लागि आवश्यक अलकत्रो प्रशोधन गरिने प्लान्ट नजिकै ३ ओटा गाई अलकत्रोले जलेर छटपटीरहेको अवस्थामा भेटिएका छन् 

२ ओटा गाईको मृत्यु भइसकेकाले अलकत्रा प्रशोधन गर्ने कम्पनीले नै गाडेको थियो । कम्पनिले अलकत्रा राखेको ठाउँ तार वार नराखेका कारण गाईहरु त्याहा प्रवेश गरेका थिए । कम्पनीको लापरवाहीका कारण गाईहरुको मृत्यु भएको स्थानियहरु बताउछन् ।

गाईको शरीर भरी अलकत्रो टाँसिएकाले छटपटीरहेको गाईको उद्धारको लागि घटनास्थलका पुगेका दुर्गानाथ दाहालले बताए । घटना स्थलमा सामान्य उपचारपछि थप उपचारको लागि ३ ओटा गाईलाइ पशुसम्बन्धी काम गर्दै आएको स्नेहा केयरमा लगिएको थियाे ।

२ दिनको उपचारपछि अहिले गाईको शरीरबाट अलकत्रा निकालिएको र अवस्था सुधार भएको स्नेहा केयरका कपिल काफ्लेले जानकारी दिनुभयो ।

काठमाडौमा वेवारीसे छोडिएका गाई गोरु माथि समयसमयमा यस्ता घटना भैरहेको छन् भने अर्को तर्फ छाडा चौपाएका कारण दुर्घटना समेत हुने गरेका छन् । यो घटनाको छानबिन गरी दोषी माथी कारवाही गर्न सरोकारवालाले आग्रह गरेका छन् ।

केही समयमा अघि भारतमा कालोपत्रे गर्ने त्रममा सुतिरहेको कुकुर माथि नै कालोपत्रे गरिएको समाचार सामाजिक सञ्जालमा भाइरल भएको थियो । उक्त घटनामा सडक निर्माण कम्पनीको लापरवाही देखिएको भन्दै भारत सरकारले निर्माण कम्पनीलाई कारवाही गरेको थियो ।

केही दिन अघि ललितपुतर महानगरपालिका ५ बागडोलमा समेत यस्तै प्रकृतिको घटना भएको छ । बागडोल मलपोखरीमा ५ ओटा गाई अलकत्राले जलेको छन् ।

स्रोत- news 24

React on this Post